Si të aplikoni

Ndërmerrni një nismë në qytetin ose komunitetin tuaj, përshkruani organizimin e saj, njerëzit e përfshirë dhe ndikimet pozitive në sjelljen e njerëzve e në mjedis dhe merrni pjesë në këtë konkurs.

Ky konkurs do të shpërblejë aktivitetet që promovojnë sjellje të vetëdijshme dhe të qëndrueshme ndaj mjedisit dhe përfshijnë në mënyrë aktive qytetarët e Qarkut Berat.

Grafiku i mëposhtëm ilustron procedurën e konkursit.

Konkursi parashikon që pas publikimit të shpalljes së tij, grupet e interesuara dhe individët do të konceptojnë, realizojnë dhe dokumentojnë aktivitetet e tyre .

Aktivitetet duhet të jenë të dokumentuara dhe të ngarkuara në faqen online të krijuar për këtë konkurs www.greenberat.com.

Aplikimi për të marrë pjesë në konkurs përfshin:

formularin e aplikimit të plotësuar
një përshkrim rreth nismës dhe aktiviteteve të zhvilluara
rezultatet e arritura dhe grupet e synuara,
një dokumentacion fotografik me një raport të shkurtër përfundimtar për veprimtarinë
dhe material shoqërues shtesë sipas llojit të veprimtarisë (video, postera, fletëpalosje, etj.).

Dokumentimi (pa materialet shoqëruese) nuk duhet të kalojë 5 faqe. Afati i fundit për dorëzimin e aplikimit është data: 02 Tetor 2020. Në konkurrim mund të hyjnë të gjitha aktivitetet e kryera pas datës 01 Shkurt 2020. Të gjitha materialet rreth veprimtarisë do të ngarkohen me aplikimin në faqen www.greenberat.com

Në bazë të kritereve vlerësuese (shihni Kriteret e vlerësimit), do të vlerësohen të gjitha aplikimet e paraqitura dhe vendimi për përcaktimin e çmimeve do të merret nga Komisioni i vlerësimit, i cili përbëhet nga përfaqësues të bashkive të qarkut dhe ekipi i projektit..

5 Çmimet do t’u ndahen pjesëmarrësve të suksesshëm në një ceremoni që do të organizohet në 17 Tetor 2020.